Meistaraflokkur tók á móti Sindra á Þorlákshafnarvelli í dag. Fyrir leikinn voru okkar menn í 10. sæti með 17 stig en Sindri sat í 8. sæti með 23.
Það var ljóst frá upphafi að Ægismenn ætluðu að selja sig dýrt og börðust fyrir öllum boltum. Það var allt annar bragur á leik liðsins en í síðustu leikjum og sóknirnar voru snarpar og beittar. Gestirnir spiluðu þó ágætlega en án þess að skapa sér færi, enda vörn okkar vel á verði.
Fyrsta mark leiksins leit dagsins ljós á 24. mínútu en þar var að verki Jóhann Óli sem var sprækur í leiknum. Á næstu 14 mínútum fór Ægir á kostum og ekki stóð steinn yfir steini í vörn Sindra. Tvö mörk frá Hauk Má og eitt frá Matejic komu á 33. 36. og 37. mínútu. Staðan í hálfleik var því ansi vænleg, 4:0.
Í síðari hálfleik var nokkuð þægilegur fyrir okkar menn. Liðið réð leiknum að mestu leiti og gestirnir sköpuðu lítið af færum. Matejic bætti svo við fimmta marki Ægis og sínu öðru á 54. mínútu
Leikmenn meistaraflokks fögnuðu vel eftir leikinn
. Sindri náði aðeins að klóra í bakkann með marki á 68. mínútu en komust ekki lengra og því lauk leiknum með glæsilegum 5:1 sigri Ægis.
Með sigrinum færðumst við upp um eitt sæti, erum með 20 stig eins og Reynir en með betri markatölu. Sindri er síðan aðeins þremur stigum ofar í 8. sæti.
Næsti leikur liðsins er næstkomandi fimmtudag gegn Gróttu á Gróttuvelli og hefst hann kl. 18:00.