Lýsismót Ægis verður haldið í Þorlákshöfn fimmtudaginn 9. maí. Ljóst er að mótið verður talsvert stærra en í fyrra og von er á rúmlega 300 keppendum.
Mótið hefst kl. 10:00 með leikjum 6. flokks karla en þeir verða að til 13:00. Klukkan 13:00 taka 6. flokkur kvenna, 7. flokkur kvenna og 7. flokkur karla við og spila til 16:00.
Eftir leiki tekur við grill, ís, verðlaunaafhending og sundlaugarpartý en á sundlaugarsvæðinu verður plötusnúður sem heldur uppi fjörinu. Það er því mikilvægt að allir muni eftir sundfötunum.
Leikjaniðurröðun er klár og hefur verið send á þjálfara. Hægt er að skoða hana á tengli hér á síðunni.
Ægir bíður alla velkomna á mótið og það er okkar ósk að allir skemmti sér konunglega.