Strákarnir í 4. flokki karla léku í dag gegn Snæfellsnesi og fór leikurinn fram á Þorlákshafnarvelli. Liðið lék á móti vindi í fyrri hálfleik en réð samt gangi leiksins. Allt útlit var fyrir markasúpu því Pálmi opnaði markareikninginn á fyrstu mínútu. En ekki voru skoruð fleiri mörk fram að hálfleik og staðan því 1:0 þegar síðari hálfleikur hófst. Eftir leikhlé tóku strákarnir öll völd á leiknum og voru oft að spila flottan fótbolta. Með mörkum frá Degi (2), Pálma, Tómasi og Friðrik komumst við í 6:0 og enn einn stórsigurinn staðreynd.
Image URL: /aegirfc/upload/images/4. flokkur karla/DSC00078_thumb.JPG