Meistaraflokkur karla á sigurbraut

Meistaraflokkur karla sigraði sinn fjórða leik í röð þegar þeir mættu KFR á Hvolsvelli í kvöld.  Úrslit leiksins urðu 0:4 eftir að staðan hafði verið 0:1 í hálfleik.  Okkar menn höfðu talsverða yfirburði í leiknum og sigurinn aldrei í hættu.  Lið KFR er skipað frískum og líkamlega sterkum strákum sem eflaust eiga eftir að hirða stig af liðum í sumar.  Mörk Ægis skoruðu Gunnar Valberg (2), Ársæll Jónsson og Matthías.
Eftir þennan sigur er liðið komið í þriðja sæti, einu stigi á eftir KFS frá Vestmannaeyjum.  Næsti leikur Ægis er grannaslagur gegn Árborg á Þorlákshafnarvelli næstkomandi fimmtudag.  Leikurinn hefst kl. 20:00.