Í gær skrifaði Alfreð Elías Jóhannsson undir nýjan tveggja ára samning sem þjálfari meistaraflokks. Alli hefur þjálfað liðið síðustu 3 tímabil og náð góðum árangri með það. Síðasta sumar lék liðið í 2. deild eftir langa fjarveru og náði að tryggja sæti sitt í deildinni. Næsta sumar verður stefnan að sjálfsögð sett á að fikra sig upp töfluna.
Össi og Alfreð
Össi og Fannar
Össi og Þorkell
Össi og Gerard Athan
Össi og Arnar
Össi og Sindri
Össi og Axel
Össi og Liam
Samhliða undirskrift Alfreðs skrifuðu 6 ungir, uppaldir Ægismenn undir tveggja ára samning við félagið. Þetta er stórt skref fyrir Ægi í að byggja upp öflugan meistaraflokk sem byggir á kjarna af heimamönnum. 
Þessir leikmenn eru Þorkell Þráinsson ´94, Fannar Haraldur Davíðsson ´94, Arnar Logi Sveinsson ´97, Axel Örn Sæmundsson ´97, Sindri Freyr Ágústsson ´97 og Gerard Athan Madrazo ´97.
Einnig skrifaði Liam Killa undir samning til eins árs. Liam sem er frá Wales lék með meistaraflokk síðasta sumar og var án vafa einn af mikilvægustu mönnum liðsins. Það er því góðar fréttir að félagið njóti krafta hans næsta tímabil.