Nenad Zivanovic hefur verið ráðinn þjálfari meistaraflokks karla hjá Ægi

29. september 2018

Í dag laugardaginn 29. September 2018 hefur Knattspyrnufélagið Ægir ráðið Nenad Zivanovic sem þjálfara meistaraflokks karla næstu tvö tímabil.  Nenad er frá Serbíu og er fæddur 1976 og hefur átt farsælan feril sem knattspyrnumaður í heimalandinu, í Færeyjum og ekki síst hér á Íslandi. Margir kannast við hann síðan hann spilaði í efstu deild með Breiðabliki. Hann var þar árin 2006-2008 en spilaði síðar með Þór og Fjarðabyggð til ársins 2013.  Hann hefur líka sinnt yngri flokka þjálfun á Íslandi og var m.a. spilandi aðstoðarþjálfari KF árið 2013. Fór aftur til Serbíu og gerðist aðalþjálfari liða í 2.deildinni þar á árunum 2014 til 2016. En árið 2017 tók hann við þjálfarastarfinu hjá 2.deildar liði Hattar en lauk störfum þar nýlega. Nenad hefur UEFA „A“ þjálfaragráðu og býr að góðri reynslu sem leikmaður og þjálfari sem ætti að nýtast okkar liði vel í verkefnunum framundan. Markmiðið er að búa til öflugt lið og snúa okkar gengi til betri vegar á næstu tímabilum.

Félagið býður Nenad hjartanlega velkomin til starfa sem þjálfara meistaraflokks karla og hlakkar til að starfa með honum við að efla meistaraflokk Ægis á næstu árum.

http://aegirfc.is/wp-content/uploads/2018/09/Nenad-Z-279x300.png 279w, http://aegirfc.is/wp-content/uploads/2018/09/Nenad-Z-84x90.png 84w, http://aegirfc.is/wp-content/uploads/2018/09/Nenad-Z-93x100.png 93w" sizes="(max-width: 687px) 100vw, 687px" />

Styrktaraðilar